រូបថត រស្មី
គង់ សុកញ្ញា អ្នកចម្រៀងនិងសម្តែងថ្មី
រាជធានីភ្នំពេញ ៖ កញ្ញាគង់ សុកញ្ញា អាយុ១៧ឆ្នាំ បានចាប់អាជីពជាអ្នកចម្រៀង និងសម្តែង។ កញ្ញាគង់ សុកញ្ញា បានរៀបរាប់ថា នាងមានម្តាយជាអ្នកបញ្ចូលសំឡេងភាពយន្ត ។ រូបនាងដោយសារមាននិស្ស័យស្រឡាញ់សិល្បៈនៅឆ្នាំ២០០៩ បានសម្រេចចិត្តឆ្លៀតឱកាសពីការសិក្សាហាត់រៀនច្រៀង និងសម្តែងតាមខារ៉ាអូខេនៅផ្ទះដោយខ្លួនឯង និងមានម្តាយជួយណែនាំពីការប្រើសំឡេងតាមចង្វាក់ភ្លេង។ មិន យូរប៉ុន្មាននាងចេះច្រៀងជាច្រើនបទ។ នៅពេលនោះនាងចាប់ផ្តើមអាជីពជាអ្នកចម្រៀងនៅក្នុងមជ្ឈមណ្ឌល កំសាន្តថោន និងចេញសម្តែងកាយវិការខារ៉ាអូខេឱ្យផលិតកម្មមួយចំនួនទាំង ក្នុង និងក្រៅប្រទេសដូចជាផលិតកម្មមរតក សាន់ដេ ផលិតកម្មអឹម និងផលិតកម្មថោនជាដើម ។
កញ្ញា គង់ សុកញ្ញា បន្តថា កន្លងមកក្រៅពីច្រៀងក្នុងក្លឹបកំសាន្ត និងសម្តែងកាយវិការខារ៉ាអូខេ នាងធ្លាប់ចូលរួមសម្តែងរឿងភាគដែលចាក់ផ្សាយតាមកញ្ចក់ទូរទស្សន៍ ប៉ុស្តិ៍លេខ៥ គឺរឿង «ល្មមហើយលោកប្តី» និងរឿងមួយចំនួនទៀតឱ្យផលិតកម្មក្រៅប្រទេស។ ក្នុងឆ្នាំ២០១១នេះនាងបានចូលរួមសម្តែងក្នុងរឿង «ឧត្តមដួងចិត្ត» ដែលកំពុងត្រៀមចាក់ផ្សាយតាមកញ្ចក់ទូរទស្សន៍អាស៊ីអាគ្នេយ៍។
កញ្ញាសុកញ្ញា បន្តថា នាងមានចិត្តសប្បាយរីករាយខ្លាំងណាស់ដោយបានក្លាយជាតួរង និងតែងតែមានកិត្តិយសឡើងច្រៀងនៅលើឆាកប្រគំតន្ត្រីរបស់ ស្ថានីយទូរទស្សន៍នានា។ នោះជាឱកាសមួយដ៏ល្អសម្រាប់រូបនាងបង្ហាញទេពកោសល្យ និងទឹកដមសំឡេងរបស់នាងជូនប្រិយមិត្តទស្សនិកជនបានឃើញបាន ស្តាប់។ នោះក៏ជាឱកាសមួយដែលនាងអាចកសាងកេរ្តិ៍ឈ្មោះនាពេលអនាគត ផងដែរ ។
កញ្ញាគង់ សុកញ្ញា មានស្រុកកំណើតនៅរាជធានីភ្នំពេញ។ នាងមានបងប្អូន៧នាក់ ក្នុងនោះប្រុស៥នាក់ ចំណែករូបនាងជាកូនពៅ ៕
កញ្ញាគង់ សុកញ្ញា មានស្រុកកំណើតនៅរាជធានីភ្នំពេញ។ នាងមានបងប្អូន៧នាក់ ក្នុងនោះប្រុស៥នាក់ ចំណែករូបនាងជាកូនពៅ ៕
No comments:
Post a Comment