ព្រាប សុវត្ថិ ឡើងច្រៀងអបអរអាពាហ៏ពិបាហ៏

Written by ភ្នំពេញដេលីញូវ

Saturday, 05 February 2011 03:15

លោក  ព្រាប សុវត្ថិ គឺជាតារាចម្រៀង មួយរូបដែលកម្រនឹងច្រៀងនៅក្នុងកម្ម វិធីអាពាហ៍ពិពាហ៍ ណាស់ ដោយឡែក នៅថ្ងៃទី៣០ខែមករាកន្លងមកនេះលោកបែរ ជាលេចមុខនៅលើឆាកអាពាហ៍ពិពាហ៍មួយ នៅមជ្ឍមណ្ឌលម៉ុងឌីយ៉ាល់ អ្នកដែលបានចូលរួមក្នុងកម្មវិធី  នោះសុទ្ធតែចម្លែកចិត្ត និងឆ្ងល់ ថាហេតុអ្វីលោក ព្រាប សុវត្ថិ ឡើងច្រៀងបែបនេះ ? ទោះជាយ៉ាងនេះក្តីពួកគេរីករាយនៅពេលដែល ឃើញវត្តមាន របស់លោក ព្រាប សុវត្ថិ អ្នកខ្លះថែមទាំងចោម រោមសុំថតរូបទុកជាអនុស្សាវរីយ៍ ទៀតផង ។  បទចម្រៀងជាច្រើបទបានកន្លងផុតទៅ ពេលវេលាកាត់នំបានចូលមកដល់  គ្រាន់តែពិធីករ ប្រកាសថាលោក ព្រាប សុវត្ថិ នឹងឡើងមកបកស្រាយបទចម្រៀងចំនួនពីរបទ សម្លេងទះដៃនិង ស្រែកហ៊ោខ្លាំងៗដើម្បីស្វាគមន៍ក៏លាន់លឺឡើង ។ លោក ព្រាប សុវត្ថិ ត្រូវបានគេអញ្ជើញចូលរូម ជាភ្ញៀវពិសារភោជនីអាហារក្នុងពិធីអាពាហ៍ពិពាហ៍កូនកំលោះក្រមុំ ។ ភ្លេងចាប់ផ្តើមប្រគុំបទយ៉ាងពិរោះរណ្តំ លាយឡំសម្លេងច្រៀងរបស់លោក ព្រាប សុវត្ថិ ធ្វើឲ្យ ភ្ញៀវកិត្តិយសស្លុងអារម្មណ៍តាម កូនកំលោះក្រមុំនិងភ្ញៀវកិត្តិយសបាននាំគ្នាឡើងរាំលេងទៅតាម ចង្វាក់ភ្លេង ។ នាថ្ងៃនោះក៏មានវត្តមានភរិយាលោក ព្រាប សុវត្ថិ រួមជាមួយផងដែរ គ្រាន់តែច្រៀងចប់ មានភ្ញៀវកិត្តិយសទាំងក្មេងចាស់ប្រុសស្រីជាច្រើនចោមរោមសុំថតរូបទុកជាអនុស្សាវីយ៍  ខ្លះប្រើ កាមេរ៉ាផ្ទាល់ខ្លួន ខ្លះទៀតប្រើកាមេរ៉ាទូរស័ព្ទមកថត ទំរាំចប់ការសុំថតរូបនោះ លោក ព្រាប សុវត្ថិ ត្រូវ ចំណាយពេលជិតមួយម៉ោង ទើបចេញទៅផ្ទះ ទោះជាយ៉ាងនេះក្តីលោកបានបង្ហាញនូវក្តីរីករាយ និងទឹកមុខញញឹមទៅកាន់អ្នករាល់គ្នា ។   បើតាមគេដឹងលោក ព្រាប សុវត្ថិ កម្រនឹងបង្ហាញខ្លួននៅលើវេទិកាតន្រ្តីអាពាហ៍ពិពាហ៍ណាស់ កន្លងមកមានមិត្តភក្តិជាច្រើនស្នើរសុំឲ្យលោកច្រៀងជាកិត្តិយស លោកតែងតែបដិសេធ ។ ទើបតែក្នុង ឪកាសរៀបអាពាហ៍ពិពាហ៍ថ្ងៃទី៣០ខែមករា២០១១ លោកបានឡើងច្រៀង ភ្ញៀវកិត្តិយសដែលបាន ឃើញផ្ទាល់ភ្នែកបានលាន់មាត់សរសើរថា ពិតជាកិត្តិយសណាស់ដែលលោក ព្រាប សុវត្ថិ បាន ច្រៀងក្នុងថ្ងៃនេះ ។