ដោយ : រស្មី (ថ្ងៃទី 5 មេសា 2011)
2 of 2 
អ្នកចម្រៀងអាយុ ២២ ឆ្នាំរូបនេះបានអះអាងប្រាប់គេហទំព័រ CEN ថា វាមិនមែនជាលើកទី ១ របស់គេទេដែលច្រៀងបទបែបនេះ ។ នេះជាលើកទី ២ របស់គេហើយដែលគេច្រៀងបទប្រភេទរាំវង់រាំក្បាច់ សារ៉ាវ៉ាន់ និង ឡាំលាវ បែបនេះ ។ កាលលើកដំបូងគេទទួលបានជោគជ័យយ៉ាងពេញទំហឹងតែម្ដង ។
សម្រាប់លើកនេះអាន់ ដា មានជំនឿចិត្តថានឹងមិនចាញ់លើកទី ១ ឡើយព្រោះមុនពេលគេចាប់ផ្ដើមថតមានគេទូរស័ព្ទមកសួរថាតើ ចូលឆ្នាំថ្មីខាងមុខនេះមានបទអ្វីថ្មីសម្រាប់អ្នកគាំទ្ររូបគេ ? គេនិយាយទៀតថាវ៉ុលសម្រាប់បុណ្យចូលឆ្នាំនេះគេច្រៀងតែម្នាក់ឯងដែល ក្នុងនោះមានចង្វាក់រាំវង់ សារ៉ាវ៉ាន់ ឡាំលាវ ក្បាច់ ចូកកំពឹស និង ចង្វាក់តាលុង ។
បទដែលគេពេញចិត្តជាងគេក្នុងវ៉ុលនេះគឺបទ ស្រង់ព្រះជូនមាតា បិតា និង បទឆ្នាំថ្មីមកដល់ ។ អ្នកចម្រៀងវ័យក្មេងរូបនេះទទួលស្គាល់ថាបទប្រភេទសម័យស្រួលច្រៀងជាង បទប្រភេទប្រពៃណី ព្រោះបទប្រពៃណីមាន អ៊ឺន និង រលាក់ច្រើនណាស់ហេតុនេះពេលថតមានការប្រុងប្រយ័ត្ន និង ចំណាយពេលច្រើនជាងបទប្រភេទសម័យ ។ តែយុវជនរូបនេះនិយាយថាជអ្នកចម្រៀងគួរតែចេះច្រៀងគ្រប់រសជាតិអញ្ចឹង ហើយទើបវាប្រសើរ ។
លោកគីម ហេង ម្ចាស់ផលិតកម្ម KH promotion បាននិយាយថា អាន់ ដា មានសម្លេងធ្ងន់ល្អណាស់ហើយបទរបស់គេមួយវ៉ុលៗចេញមកមិនចាញ់បទរបស់ ផលិតកម្មនានាទេ ។ នៅលើទីផ្សារបទរបស់គេទទួលបានការនិយមចូលចិត្តច្រើនចម្រៀងរបស់គេ លក់ដាច់គួរសមដែរ ។
គួរបញ្ជាក់ថា អាន់ ដា បានខកខានចេញទៅចូលរួមមហោស្រពតន្ត្រីអាស៊ានកាលពីចុងខែមីនាកន្លងទៅ ដោយសារកម្មវិធីនោះគេលុបចោលព្រោះ ឡាវ និង មីយ៉ាន់ម៉ារ រងគ្រោះដោយសាររញ្ជួយដី ៕
No comments:
Post a Comment