ដោយ ៖ សាម៉ន
ថ្ងៃ ពុធ ទី ៣០ ខែ មិនា ឆ្នាំ ២០១១
Koh Santepheap Daily
រាជធានីភ្នំពេញ ៖ ខណៈពេលដែលថ្ងៃបុណ្យចូលឆ្នាំជិតឈានចូលមកដល់ បណ្តាស្ថានីយទូរទស្សន៍នានា ចាប់ពីថ្ងៃទី២៤ ខែមីនា ឆ្នាំ២០១១មកបានរៀបចំថតល្បែងប្រជាប្រិយខ្មែរនិងរាំចង្វាក់ ប្រជាប្រិយខ្មែរ ដោយអញ្ជើញសិល្បករ-សិល្បការិនីជាច្រើនចូលរួមលេងកំសាន្តត្រៀម ចាក់ផ្សាយក្នុងថ្ងៃចូលឆ្នាំថ្មី។
កាលពីថ្ងៃទី២៤និង២៥ មីនា ស្ថានីយទូរទស្សន៍អាស៊ីអាគ្នេយ៍ ស្ថានីយទូរទស្សន៍ CTN និងស្ថានីយទូរទស្សន៍អប្សរា បានថតល្បែងប្រជាប្រិយដូចជាបោះឈូង បោះអង្គញ់ ទាញព្រ័ត្រ លាក់កន្សែង និងរាំចង្វាក់ប្រជាប្រិយដោយមានសិល្បករ-សិល្បការិនីជាច្រើន រូបចូលរួម ។ ចំណែកស្ថានីយទូរទស្សន៍អប្សរាប៉ុស្តិ៍លេខ១១ បានរៀបចំថតរយៈពេល២ថ្ងៃគឺនៅថ្ងៃទី២៥ និងទី២៩ មីនា ដោយមានលោកស្រីច័ន្ទ ធី និងអ្នកស្រីគង់ ចាន់រ៉ែន ដឹកនាំសិល្បករ-សិល្បការិនីជាច្រើនរូបចូលរួមច្រៀង រាំនិងលេងល្បែងកំសាន្ត ។
លោកស្រី ច័ន្ទ ធី អ្នករៀបចំកម្មវិធីថតថ្ងៃទី២៥ ខែមីនា ឱ្យដឹងថា លោកស្រីបានរៀបចំល្បែងកំសាន្តប្រជាប្រិយ ដូចជាចោលឈូង បោះអង្គញ់ ទាញព្រ័ត្រ លាក់កន្សែង និងបទចម្រៀងបាសាក់ យីកេ និងចម្រៀងចង្វាក់ប្រជាប្រិយ ។ ចំណែកនៅថ្ងៃទី២៩ ខែមីនា អ្នកស្រីគង់ ចាន់រ៉ែន រៀបចំថតប្រហាក់ប្រហែលគ្នានឹងអ្នកស្រីច័ន្ទ ធី ដែរ ។ នៅថ្ងៃទី៣១ ខែមីនា ស្ថានីយទូរទស្សន៍អាស៊ីអាគ្នេយ៍នឹងបន្តថតសម្រាប់ចាក់ផ្សាយពេល ចូលឆ្នាំទៀត ។ ចំណែកស្ថានីយទូរទស្សន៍បាយ័នចេញដំណើរទៅថតល្បែងកំសាន្តនិងរាំ ប្រជាប្រិយនៅភូមិសាឯម ខេត្តព្រះវិហារ ថ្ងៃទី៤ និងទី៥ ខែមេសា ឆ្នាំ២០១១ ដោយអញ្ជើញសិល្បករ-សិល្បការិនី ប្រមាណជាង១០០នាក់ចូលរួម ។ អ្នករៀបចំកម្មវិធីទូរទស្សន៍ឱ្យដឹងថា ក្រុមការងារដឹកនាំសិល្បករ-សិល្បការិនីទៅថតកម្មវិធីសម្រាប់ផ្សាយ ពេលចូលឆ្នាំថ្មីនៅខេត្តព្រះវិហារនេះគឺដើម្បីឱ្យកងទ័ពជួរមុខបាន ចូលរួមលេងល្បែងប្រជាប្រិយ និងរាំប្រជាប្រិយឱ្យបានសប្បាយទាំងអស់គ្នា និងដើម្បីបញ្ជាក់ថា អ្នកសមរភូមិក្រោយតែងតែយកចិត្តទុកដាក់ចំពោះកងទ័ពសមរភូមិមុខមិន ដែលភ្លេចឡើយ ។
អ្នករៀបចំកម្មវិធីបន្តទៀតថា នៅថ្ងៃទី៤ និងទី៥ ខែមេសា ឆ្នាំ២០១១ មានអ្នកចម្រៀង តារាសម្តែង តារាកំប្លែងល្បីៗជាច្រើនរូបចូលរួមសម្តែង ច្រៀងនិងរាំកំសាន្តជាមួយកងទ័ពនិងប្រជាពលរដ្ឋនៅតំបន់ព្រំដែន ខេត្តព្រះវិហារ៕
ថ្ងៃ ពុធ ទី ៣០ ខែ មិនា ឆ្នាំ ២០១១
Koh Santepheap Daily
បណ្តា សិល្បករ សិល្ប ការិនី រាំ កំសាន្ត អប អរ ឆ្នាំ ថ្មីប្រពៃ ណី ជាតិ ខ្មែរ (រូបថត រស្មី)
កាលពីថ្ងៃទី២៤និង២៥ មីនា ស្ថានីយទូរទស្សន៍អាស៊ីអាគ្នេយ៍ ស្ថានីយទូរទស្សន៍ CTN និងស្ថានីយទូរទស្សន៍អប្សរា បានថតល្បែងប្រជាប្រិយដូចជាបោះឈូង បោះអង្គញ់ ទាញព្រ័ត្រ លាក់កន្សែង និងរាំចង្វាក់ប្រជាប្រិយដោយមានសិល្បករ-សិល្បការិនីជាច្រើន រូបចូលរួម ។ ចំណែកស្ថានីយទូរទស្សន៍អប្សរាប៉ុស្តិ៍លេខ១១ បានរៀបចំថតរយៈពេល២ថ្ងៃគឺនៅថ្ងៃទី២៥ និងទី២៩ មីនា ដោយមានលោកស្រីច័ន្ទ ធី និងអ្នកស្រីគង់ ចាន់រ៉ែន ដឹកនាំសិល្បករ-សិល្បការិនីជាច្រើនរូបចូលរួមច្រៀង រាំនិងលេងល្បែងកំសាន្ត ។
បណ្តា សិល្បករ សិល្ប ការិនី រាំ កំសាន្ត អប អរ ឆ្នាំ ថ្មីប្រពៃ ណី ជាតិ ខ្មែរ (រូបថត រស្មី)
បណ្តា សិល្បករ សិល្ប ការិនី រាំ កំសាន្ត អប អរ ឆ្នាំ ថ្មីប្រពៃ ណី ជាតិ ខ្មែរ (រូបថត រស្មី)
No comments:
Post a Comment